ខ្លាំងមែន..វាយមួយដុំឥដ្ឋបែកក្បាល ព្រោះតែ...

ខេត្តកណ្តាល៖​ មានករណីឈ្លោះទាស់ទែងគ្នានៅកន្លែងលក់ស្រាមួយកន្លែង ឈានទៅដល់បើកឆាកប្រយុទ្ធគ្នា អ្នកចាញ់ដេកពេទ្យ អ្នកឈ្នះដេកគុក។​ ករណីហិង្សាដោយចេតនា បណ្តាលអោយមានរបួសនេះ កើតហេតុនៅថ្ងៃទី០២ ខែ​ ឧសភា ឆ្នាំ២០១៧​ កាលពីវេលាម៉ោង ១៦និង១៥នាទី​ នៅចំណុចភូមិត្នោតញី​ ឃុំខ្ពប​ ស្រុកស្អាង​ ខេត្តកណ្តាល ។
ជនរងគ្រោះឈ្មោះ​ ភឹម​ ផល​ ភេទប្រុស​ អាយុ ៤៣ឆ្នាំ​ ជនជាតិខ្មែរ​ មុខរបរកសិករ​ មានទីលំនៅភូមិព្រែកស្លែង​ ឃុំតាលន់​ ស្រុកស្អាង​ ខេត្តកណ្តាល មានស្នាមរបួសត្រង់ថ្ងាស់ ក្បាល ស្មាខាងឆ្វេង រីឯជនសង្ស័យឈ្មោះ​ ផង់ វី​ ភេទប្រុស​ អាយុ២៧ ឆ្នាំ​ ជនជាតិខ្មែរ​ មុខរបរកសិករ​ នៅភូមិត្នោតញី​ ឃុំខ្ពប​ ស្រុកស្អាង​ ខេត្តកណ្តាល ត្រូវបានចាប់ឃាត់ខ្លួន។
វត្ថុតាងនៅកន្លែងកើតហេតុរួមមាន ដុំឥដ្ឋចំនួន ០១ដុំ និងបន្ទះឫស្សី១កំណាត់​ ប្រវែង៥០ស.ម ។
គួររំលឹកថា៖ នៅថ្ងៃទី០២ ខែឧសភា ឆ្នាំ២០១៧​ វេលាម៉ោង ១៦និង១៥នាទី ឈ្មោះផង់ វី កំពុងផឹកស្រា នៅក្រោមផ្ទះរបស់ឈ្មោះចាន់ ណាង (ផ្ទះលក់ស្រា) ជាមួយនឹងឈ្មោះកា ទ្រី អស់ស្រា ស កន្លះលីត្រ ពេលនោះឈ្មោះភឹម ផល បានដើរមកទិញស្រាដែរ ក៏ត្រូវបានឈ្មោះផង់ វី និយាយឌឺដងមើលងាយ ក៏មានការឈ្លោះគ្នាដោយឈ្មោះភឹម ផល កាន់បន្ទះឬស្សី ចំណែកឈ្មោះផង់ វី កាន់ដុំឥដ្ឋ វាយទៅលើឈ្លោះភឹម ផល បណ្ដាលអោយមានស្នាមរបួសត្រង់ថ្ងាស់ ក្បាល ស្មាខាងឆ្វេង តែម្តង ។
ករណីនេះ កម្លាំងជំនាញ បានឃាត់ខ្លួនជនសង្ស័យ និងកំពុងកសាងសំណុំរឿងតាមនីតិវិធី ។



វត្ថុតាង

រៀបរៀងដោយ៖​Khmercinea

ប្រភពព៍តមាន៖ សេនាធិការ នគរបាលស្រុកស្អាង