ឃាត់ខ្លួនបុរសម្នាក់ ជាមួយថ្នាំញៀន១កញ្ចប់




ខេត្តកណ្តាល៖ បុរសម្នាក់ត្រូវបានកំលាំងនគរបាលស្រុកស្អាង ខេត្តកណ្តាល​ចាប់ឃាត់ខ្លួន ជាមួយថ្នាំញៀន ០១កញ្ចាប់ និងសម្ភារៈសម្រាប់វេចខ្ចប់មួយចំនួន ពីបទជួញដូរនូវសារធាតុញៀនខុសច្បាប់។
កម្លាំងអន្តរាគមន៏របស់នគរបាលស្រុកស្អាង បានអោយដឹងថា នៅថ្ងៃទី ០៣ ខែឧសភា​ឆ្នាំ២០១៧ វេលាម៉ោង ២២និង៣០នាទី បានបង្រ្កាបបទល្មើសគ្រឿងញៀន នៅចំណុចបន្ទប់ជួលឈ្មោះ​បូ​ នាង ក្នុងភូមិ​ លេខ៣​ ឃុំស្វាយរលំ ស្រុកស្អាង ខេត្តកណ្ដាល។ជនសង្ស័យដែលឃាត់ខ្លួនមានឈ្មោះ បូ​ នាង​ ហៅម៉ៅ​ ភេទប្រុស អាយុ៣៦ឆ្នាំ ជនជាតិខ្មែរ មានមុខរបរជា​ កម្មករ​ ទីលំនៅភូមិលេខ៣​ ឃុំ ស្វាយរលំ​ ស្រុកស្អាង ខេត្តកណ្តាល ។វត្ថុតាងចាប់យក​រួមមាន ៖ម្សៅក្រាមពណ៌សថ្លា​ សង្ស័យ​ជាគ្រឿងញៀន​ ប្រភេទ​ម៉ាទឹកកក​ ចំនួន​ ០១កញ្ចប់តូច ឧបករណ៍សំរាប់វេចខ្ចប់ និងប្រើប្រាស់គ្រឿងញៀនមួយចំនួន ។

នៅចំពោះមុខសមត្ថកិច្ចឈ្មោះ បូ​ នាង បានសារភាពថា ខ្លួនពិតជាបានទិញគ្រឿងញៀន ចំនួន០១កញ្ចប់ តម្លៃ​ ៨ម៉ឺន​រៀល​ ពីគេ​មិនស្គាល់ឈ្មោះ​ នៅវាលខ្សាច់​ សង្កាត់ចាក់អង្រែលើ​ រាជធានីភ្នំពេញ​ដើម្បី​យកទៅលក់​ និងប្រើប្រាស់ពិតប្រាកដមែន។បន្ទាប់មកសមត្ថកិច្ចនគរបាលបានឃាត់ខ្លួនជនសង្ស័យ រួមជាមួយវត្ថុតាង បញ្ជូនមកកាន់អធិការដ្ឋាននគរបាលស្រុកស្អាង ដើម្បីសាកសួរបន្ត និងអនុវត្តន៍ តាមនីតិវិធី៕





រៀបរៀងដោយ៖ Khmercinema

ប្រភពព៍តមាន៖​ សេនាធិការ នគរបាលស្រុកស្អាង
ឃាត់ខ្លួនបុរសម្នាក់ ជាមួយថ្នាំញៀន១កញ្ចប់ ឃាត់ខ្លួនបុរសម្នាក់ ជាមួយថ្នាំញៀន១កញ្ចប់ Reviewed by Admin on 10:48 PM Rating: 5

No comments:

Note: Only a member of this blog may post a comment.

Powered by Blogger.