អានអត្ថបទនេះហើយ អ្នកប្រាកដជា ទប់ទឹកភ្នែកមិនបាន



អ្នករាជការមានបុណ្យសក្តិធំៗ រួមទាំងអ្នកជំនួញប្រាក់ចំណូលខ្ទង់មុឺន​ដុល្លារ បានមកចូលរួមក្នុងពិធីជប់លៀងមួយ។ គ្រូបង្រៀនកម្រិតបឋមរហូតដល់មហាវិទ្យាល័យចំនួន១៥នាក់ក៏បានចូលរួម តែត្រូវបានគេអោយទៅអង្គុយនៅតុមួយក្បែរបន្ទប់ទឹក មូលហេតុ គ្រូបង្រៀនជាក្រុមមនុស្ស ដែលមានប្រាក់ចំណូលទាបជាងគេ គ្មានមុខមាត់នៅក្នុងសង្គម ។

នៅពេលថ្នាក់ដឹកនាំកម្មវិធីចោទសួរថា តើលោកខាងណា ធ្វើការបានប្រាក់ចំណូលច្រើនជាងគេ ? លោកគ្រូពិការម្នាក់លើកដៃឡើង ហើយឆ្លើយថា​ « គឺខ្ញុំ ! » គ្រប់គ្នាមានក្តីងឿងឆ្ងល់ជាពន្លឹក ហើយសុំអោយមានការបញ្ជាក់ពីរឿងនេះ ។ ចម្លើយអមជាមួយនូវស្នាមញញឹមរបស់លោកគ្រូពិការក៏បានផ្តើេមឡើង « មួយជីវិតរបស់ក្រុមគ្រូបង្រៀនខ្ញុំនេះ បានបណ្តុះកូនៗខ្ញុំជាច្រើនរាប់ពាន់មុឺននាក់អោយក្លាយទៅជាជនដែលមានចំណេះដឹង ចំណេះធ្វើ និងអាចរកប្រាក់ចំណូលបានយ៉ាងច្រើនពីគ្រប់ទីកន្លែងការងារ​ មិនថា ក្នុងវិស័យរដ្ឋ ឬឯកជន ! ប្រាក់​ចំណូលរបស់កូនៗខ្ញុំ វាជាលទ្ឋផលនៃការប្រឹងប្រែងរបស់យើងខ្ញុំ ផ្តើមតាំងពីថ្ងៃចាប់ដៃកូនៗអោយចេះសរសេរតួអក្សរក ខ មកទល់

នឹង​មាន​ជំនាញប្រចាំជីវិតនេះ មានប្រាក់ខែ ! វាជាប្រាក់របស់ពួកខ្ញុំ ទោះជា​កូនខ្ញុំពុំអោយពួកខ្ញុំចាយ ក៏ក្នុងនាមជាឳពុក ក៏មិនទាមទារពីកូន ឬមានចិត្តច្រណែនកូនខ្លួនឯងឡើយគឺមានតែសប្បាយនឹងភាពមានបាន ថ្កុំថ្កើងរបស់កូនៗ !

គ្រប់គ្នាធ្លាក់ទឹកមុខ ហើយដាក់មុខចុះលោកគ្រូពិការបន្តសម្តីអួលដើមក ស្របពេលទឹកភ្នែកហូរចុះមក« អរគុណ ! ដែលយកពួកខ្ញុំ មកដាក់ពីមុខបន្ទប់ទឹកនេះ​​ ! នេះជាការផ្តល់នូវកិត្តិយសមួយយ៉ាងធំធេង ! ព្រោះមនុស្សយើងនេះ ទោះជាមានឋានៈធំប៉ុណ្ណា ក៏មិនអាចចៀសអោយផុតពីការត្រូវការបន្ទប់ទឹកនេះ ដើម្បីដោះទុក្ខដែរ ! អរគុណ !​ ក្នុងនាមជាអ្នកយាមបន្ទប់ទឹក ! គ្រប់គ្នា ដាក់មុខចុះ ខ្លះមានទឹកភ្នែករលីងរលោង ខ្លះជូតទឹកភ្នែកព្រោះក្នុងចំណោមអ្នកធំទាំងនេះ មានខ្លះជាអតីតសិស្សរបស់លោកគ្រូពិការរូបនេះ។

Credit to៖​ You Sophea
អានអត្ថបទនេះហើយ អ្នកប្រាកដជា ទប់ទឹកភ្នែកមិនបាន អានអត្ថបទនេះហើយ អ្នកប្រាកដជា ទប់ទឹកភ្នែកមិនបាន Reviewed by Admin on 11:56 PM Rating: 5

No comments:

Note: Only a member of this blog may post a comment.

Powered by Blogger.